SHILLONG, Nailur 5: U State General Secretary ka BJP Meghalaya u Bah Wankitbok Pohshna u la ai jingmut ia ka sorkar jylla, sorkar kmie bad ruh ia ka Garo Hills Autonomous District Council (GHADC) ba kidei ban don ka jingiakren bad wad ia ki lad ki lynti kiba tikna ban weng noh ia ka jingeh ba ka council ka ia kynduh.
“Ngi kyrmen skhem ba da ka jingiashong lang ha ka miej jingiakren hapdeng ka sorkar lem bad ka Council bad ruh kumjuh ruh da ka jingdonkti lang bad ka sorkar kmie, ki dei ban wanrah ïa ka lad kaba thikna kumno ban ïaid shakhmat khnang ba kum kine kin ym jia biang,” ong u Bah Pohshna.
Kane ka jingong u Bah Pohshna kala wan mynta ka sngi Thohdieng haba jubab ia ka jingkylli ha kaba iadei bad ka jingiakhih kaba dang iaid kaba la pynlong da ki nongtrei ka GHADC halor ka jingbym ioh tulp mynta lah 44 bnai.
Shuh shuh u Bah Pohshna u la ban jur halor ka jingdonkam jong baroh lai kynhun kiba ia don bynta ba kynthup ia ka sorkar kmie, ka sorkar jylla bad ka GHADC ba kin ia shong lang ban iatai bad ban weng noh ia kane ka jingeh.
U la kdew ba ka GHADC ka dei ban don ka jingiakren hapoh jong ka ban tip ia ka lynti ban iaid shakhmat bad ki lad ki lynti kiba lah ban weng ia ka jingeh.
 ba kidei ban don ka jingiakren bad wad ia ki lad ki lynti kiba tikna ban weng noh ia ka jingeh ba ka council ka ia kynduh.){kind=link}