Shillong, Nailur 23 : U President ka United Democratic Party (UDP) Bah Metbah Lyngdoh ha ka sngi Nyngkong ula ong ba lada shah ban pynlong ia ka rally iada ia ki masi ha Shillong, kane khlem pep kan ktah ia ka suk ka sain.
Ula kynthoh ia kane halor ka jingtyrwa ban pynlong ia ka Gau Dhwaj Sthapana Bharat Yatra ha Shillong da ka 2 tarik Risaw, ban ialap khang shoh doh masi hapoh ka Ri India.
“Ngam ai jingmut ia ki ban pynlong ia kum kine kiei kiei namar khlem ka jingmut kan sa shu wanrah ia ka jingthut hapdeng ki paidbah” ong u Bah Metbah haba iakren bad ki nongthoh khubor.
Haba kyntu ia ka kynhun Hindu ban kiar na ka jingmushia ia ki jingngeit jong kiwei pat,une u Heh ka UDP ula ong “To ngin burom ia kat ki jingngeit jong phi, ka niam ba fi don, phi leh ia ki jingleh niam lajong hynrei wat mushlia ia jong kiwei”.
“Hangne (ha Meghalaya), ngi don bun ki Hindu, ki Muslim bad ki jaidbynriew bapher bapher, ki leh niam leh rukom hala ki jong bad ngim ju pynthut ia ki bad kumta ka dei ban long kumjuh ia phi ruh. Ngi hap ban burom mar kylliang haba phai sha ki jingleh niam leh rukom” ula bynrap.
 Bah Metbah Lyngdoh ha ka sngi Nyngkong ula ong ba lada shah ban pynlong ia ka rally iada ia ki masi ha Shillong, kane khlem pep kan ktah ia ka suk ka sain.){kind=link}