Nongpoh, Risaw 26: Ka Jingïalehkai Cricket hapoh ka them Ribhoi ka dei ka jingialehkai kaba la paw bha bad ia kane la sakhi da ka jingwan poi ki heprit kynthei bad shynrang s haka Talent Hunt ba la pynlong daka Ribhoi District Cricket Association hynne ka sngi Saitjain.
Ia kane ka talent hunt la pynlong ha ryngkat ka Seng Samla Umran Niangbyrnai ha madan Umran.
Kine ki Haprit kiba naduh ka rta kaba 10 haduh 16 snem, ki la poi palat shispah ngut ha madan ialehkai jong ka shnong Umran Niangbyrnai bad ki la pynlut por baroh shisngi ban shim bynta shitrhem ha katei ka jingai jinghikai ban ialehkai Cricket.
Ki Nonghikai jong ka Talent Hunt ba kynthup ia u Shankar Nehwar uba dei u BCCI Level 1 Coach bad u bah Levi Marwein dkhot jong ka RBDCA ,ki la pynpaw ia ka jingkmen ban iohi ba ki Heprit ki don shisha iaka mynsiem ban tip bad ban nang ia kane ka jingialehkai ha kaba ki la poi palat 100 ngut na kylleng ki shnong.
Ki la iathuh ruh ba ia kane ka jingwad iaka sap ialehkai cricket kin sa nang bteng biang ha kiwei ki sngi ha kaba kin sa leit kylleng ki shnong ka them Ri-Bhoi khnang ban sei iaki khynnah kiba don shisha iaka sap bad kiba thrang ban nang ialehkai cricket.
U Samla Steve Wahlang President Seng Samla Umran Niangbyrnai, u la pynpaw iaka jingkhublei iaka RBDCA bad khamtam ia u bah Rayionald Kharkamni President ka RBDCA uba la jied khnang iaka madan ialehkai jong ka Shnong ha kaba kiba bun na ki heprit ki la ioh ban wan ban shi bynta ha kane ka jingai jinghikai ban tip shaphang ka Cricket.
