Shillong, Oct 26: U Anirudh B ula kamai 140 run bad ym pat Out bad kane ka jingtied bha ka jongu kala pynlong ia ka Meghalaya ban kamai 274 run bad hap 8 wiket ha ka sngi nyngkong jong ka jingiakhun ia ka Ranji Trophy Elite Group A pyrshah ia ka Maharashtra kaba la long ha Aurangabad hynne ka sngi Saitjain.
Ka Meghalaya kala sdang ia ka jingtied ha kaba u Bamanbha Shangpliang ula kamai 33 run bad u Ajay Duhan ula kamai 34 run.
Hynrei u Anirudh ula kamai 140 khlem pat Out ha kaba ula tied 18 tylli ki Four bad 2 tylli ki Six.
Hadien kane, u kapten ka Meghalaya u Kishan Lyngdoh ula kamai 22 run bad ka Meghalaya kan bteng biang ban tied lashai ka sngi u Blei bad ka don ia ka thong ban lah ban kamai haduh 300 run.
