Shillong, K’lyngkot 09 : U Myntri ka Tnad Pule Puthi Rakkam A Sangma ha ka sngi Palei, ula ban jur ia ka jingdonkam ba ki Political Party kin pyni ne ai iala ki jong ki ‘roadmap’ (ki kam ba ki don jingthmu ban leh) na ka bynta ka Jylla ha ka jaka ban shu kynthoh bad pynrem ia ka Sorkar.
Kane ka jingkynthoh kala mih kum ka jubab ia ki jingkynthoh ba dang shen jong ka Voice of the People Party (VPP) haba iadei bad ki kot skul.
U Rakkam ula ong ba um don jingtip satia ia kaei kaba ka VPP ka thmu ban ong namar ka jingkynthoh jong ka, kam long satia kaba shai.
“Ka mat ka long ba u (Nongialam ka VPP) lah ban kren na ka bynta ki katto katne ki businessman ban gam ithuh namar ngam sngewthuh satia ia ki mat ba ki kren halor ki kot skul, ngi la bujli ia kikot MBoSE sha ka NCERT. Kim dei ban pyrshah ia kane namar ngam shym la ioh pdiang ia ka jingpyrshah nangno nangno ruh, ki nonghikai, ki stad ki jhad lane ki samla pule” ula bynrap.
Haba kylli, u Myntri ka tnad pule puthi ula kubur ba ka VPP kala pynmih ishu ia ki kot skul namar ka elekshon MDC ban wan.
“Kum u Nongialam sain pyrthei bad riew shimet, nga sngew ba ha ka jaka ban kynthoh iano iano, ki (VPP) dei ban ai iala ka jong ka’roadmap’, ki jingai jingmut na ka bynta ka Jylla bad ki paidbah khamtam ha ka por elekshon ban shu kynnoh iano iano kan nym khring satia ia ki nongthep vote ne iano iano ruh. Nga sngew ba ka long kongsan ba ki seng sain pyrthei kin ai iala ki roadmap-kaei kaba ki kwah ban leh na ka bynta ka Jylla bad kaei kaba ki kwah ban leh na ka bynta ki paidbah, kaei kaba ki kwah ban leh ha ka kam pule dangle lane kino kino ki kam khnang ba ki paidbah kin tip”.
 na ka bynta ka Jylla ha ka jaka ban shu kynthoh bad pynrem ia ka Sorkar.){kind=link}