Shillong, K’Lyngkot 09: Ka United Democratic Party (UDP) ka pynpaw ïa ka jingsngewskhem ba kan leh bha ha kane ka elekshon ban wan sha ki Autonomous District Council (ADC) ha rilum Khasi bad Jaiñtia Hills namar ka “jingkyrshan kaba khlaiñ ha man ki shnong ki thaw”.
“Ka UDP ka nang khlain na ka sngi sha ka sngi bad ka elekshon MDC ka long kyrpang ia ki trai shnong. Kam long kum ka elekshon MP ba la dep. Namar ba ka UDP ka la don la slem, ka jingkyrshan haki shnong ki thaw ka dang don bad ka long kaba khlain bha”, ong u general secretary ka UDP u Bah Jemino Mawthoh.
“Ngi don 12 ngut ki MLA bad ngi don palat 12 ngut ki MDC. Kumta namar ka jingïadei jong ki nongïalam jong ngi ha man ki Constituency ka long kaba bha bad nga sngew ba ka UDP kan sa leh bha ha kane ka kynti” u la bynrap.
U Bah Jemino u la pyntip ba shen ka party kan sa pynmih ia ka thup kyrteng ba lai jong ki kyrtong na ka bynta baroh ar tylli ADC.
Haduh mynta ka party ka la pynbna 35 ngut ki kyrtong na baroh ar tylli ki ADC.
“Ngin pyrshang katba lah ban sei ia ki kyrtong na baroh ki constituency ha kine ki artylli ki ADC ”, u la ong.
Haba ia dei bad ka Manifesto, u general secretary u la ong ba ka seng ka la dep shong la katto katne sien ki jingialang bad ki MLA bad ki MDC ha Khasi bad Jaintia Hills distrik halor kane ka kam.
 ka pynpaw ïa ka jingsngewskhem ba kan leh bha ha kane ka elekshon ban wan sha ki Autonomous District Council (ADC) ha rilum Khasi bad Jaiñtia Hills namar ka “jingkyrshan kaba khlaiñ ha man ki shnong ki thaw”.){kind=link}