Dawa sospon ka FKJGP ia u Director ka Tnad Printing halor ka jingkynnoh pyndonkam bakla ia ka pisa ba T. 2 klur

Date:

Share post:

Wengkam hapoh 10 sngi ne ngin leit khang tala ia ka Ophis: Reginald

Shillong, Nohprah 21: Ka Federation of Khasi Jaintia and Garo People (FKIGP) hynne ka sngi kala dawa na u Myntri Rangbah ka jylla Conrad K Sangma ban wengkam shipor (Sospon) ia u Director ka tnat Printing Stationery bad Secretary ka sorkar jylla Salgira R Marak halor ka jingkynnoh ba u pyndonkam bakla ia ka pisa ba kot T. 2 klur.

Haba kren sha ki lad pathai khubo,r u Assistance General Secretary ka FKJGP bah Reginal Thabah u la ong ba kane ka jingdawa sospon ia u Salgira R Marak kadei namar ba u la pyndonkam bakla haduh T. 2 klur ka pisa bala mang naka bynta ka tnat Printing Stationery.

U bah Reginal u la ong ba ka seng ka ai por ia ka sorkar ban weng kam (Sospon) ia une u Director hapoh 10 sngi bad lada ka sorkar kam sngap iaka jingdawa, naka liang ka seng kan leit khang tala ia ka ophis treikam ka Printing Stationery.

U bah Reginal u la iathuh ba kane ka jingpyndonkam bakla iaka pisa da u Salgira R Marak kala paw ruh ha ki lad pathai khubor bad haka kaiphod jong ka Right to Information (RTI) bala pan da u bah Egenstar Kurkalang.

U bah Reginal u la ong ruh ba kane ka jingdawa sospon ia u Salgira R Marak kadei ruh hadien ba naka liang ka tnat Printing Stationery kala thung ia ka kynhun tohkit lane ka Departmental Proceeding ba lamkhmat daka kong Ripnar Lyngdoh IAS, Commissioner halor ka jingsuba pyndonkam bakla iaka pisa ba kot haduh T. 2 klur.

U la ong ba ka seng kam shaniah iaka jingthung kynhun tohkit namar haduh mynta ki kaiphod ba ki kynhun tohkit ki lap haduh mynta kim pynhun satia iaki paidbah.

Share post:

spot_img

Popular

More like this
Related

Ai jingmut ka CAG ia ka Sorkar ban pynkynriah lut ia ki dukan tim najan ki jaka pule bad Iingmane

Shillong, Lber 15: Ka Comptroller & Auditor General (CAG)...

Lap ka CAG ia ka jingdie tuh ia ki nombor tim | Ai jingmut ban leh tyngeh ia ki Ophisat

Shillong, Lber 15: Ka Comptroller & Auditor General (CAG)...

Assam | Khynra ka ED ha Assam bad Mizoram ia ka jyrsieh airam thied kali

Guwahati, Lber 14: Ka Directorate of Enforcement (ED) ka...

Shillong Premier League | Mano ban long Champion ka SPL – Mawlai ne ka Shillong Lajong | Lashai ka rai

Shillong, Lber 14: Ki riewieid ia ka jingialehkai football...