Shillong, Lber 09: Ka Federation of Meghalaya Self Help Groups & Mahila Mandals (FMSHG&MM) ha ka sngi Nyngkong, ka la iathuh ba da ki spah tylli ki kynhun ba pyniaid ki kynthei ha kylleng ka Meghalaya, mynta ki shah ram bad don hapdeng ka jinsangeh treikam namar ka jingbym siew Bill kaba la palat 15 bnai ban pynbiang bad kit ia ki marbam hapoh ka tnat Social Welfare bad ka dawa naka Sorkar ba kan pyllait noh iaki Arrear ba dang sahteng.
Haba kren sha ki lad pathai khubor, ka General Secretary ka FMSHG&MM Kong N Warbah kala ai khublei ia ka Jylla kaba la shaniah ha ki SHG ban sam iaki marbam na ka bynta ki projek ICDS hynrei ka ong ba ia ki jingpyrshang ban pynbeit ia ka jingeh ka Sorkar kala sngap mynthi.
“Ka Federation mynta ka kwah ban wanrah sha ki paidbah ïa ka mat jong ka jingsiew kaba la sahteng la slem bha…naduh ki 3 bnai ba khatduh jong u snem 2024 haduh ki 3 bnai ba kut jong u snem 2025,” ka la ong, da kaba kdew ba ki jingsiew na ka bynta ki nongïoh jingmyntoi ba ïadei bad u Aadhaar ki ïaid lyngba ka jingbuddien jong ka skhim POSHAN, katba ki bym dei lyngba ka jingiasoh bad u Aadhar kila shu sahteng.
Ka Kong Warbah ka la ong ba ka jingpynslem ban siew iaki bill ha ryngkat bad ka jingpynsahteng ia ka bai kit kaba la rim bha kata T.0.40 paisa na ka bynta uwei u nongïoh jingmyntoi na man ka shi kilometer ha ka shisngi, ka pynlong ïa ka jingkit kaba ar shah.
Ka Federation kam lah ban pyndap ia ka jinglut jingsep ha ka leit ka wan, ka jinglut ha ka umphniang bad kiwei kiwei ki jingkular ha ka liang ka jingpynbiang iaki marbam.
Haba kadei bad kane ka Federation ka pynrem jur ia ka tnat Directorate of Social Welfare.
Ha ka jaka ban pynkhuid ïa ki jingsiew, u Additional Director u la ai jingmut ïa ki kynhun ban sangeh noh ïa ki jingshakri lada kim lah ban kit ïa ka jingkit bad u la maham ba kin don kiwei pat ki ban shim iaka kam jong ki.
Ka Federation ka la kyrpad iaka Sorkar ban ai ka jingpynthikna ba ïa ki jingsiew bym donkam ban iasoh bad Aadhaar yn pyllait shwa ka Quarter ba nyngkong jong u 2026.
“Ngi kyrpad jur ban sngap ia ki sur jong ki SHG bad ban leh kyrkieh khnang ba ka burom bad ka jingim jong ki kynhun kan ym sah ha ka jingma,” kala ong.
 ha ka sngi Nyngkong, ka la iathuh ba da ki spah tylli ki kynhun ba pyniaid ki kynthei ha kylleng ka Meghalaya, mynta ki shah ram bad don hapdeng ka jinsangeh treikam namar ka jingbym siew Bill kaba la palat 15 bnai ban pynbiang bad kit ia ki marbam hapoh ka tnat Social Welfare bad ka dawa naka Sorkar ba kan pyllait noh iaki Arrear ba dang sahteng.){kind=link}