Shillong, Naitung 03 : Ka All Garo Hills SSA School Teachers’ Association (AGHSSASTA) hynne ka sngi Nyngkong, kila dawa ia ka Sorkar Jylla ba kan pyllait noh ia ka tulop ba 3 bnai, kaba la pynsahteng jong ki nonghikai SSA.
“Ngi kyrpad ia u Myntri Rangbah ka Jylla Conrad K Sangma bad Myntri ka Pule Puthi Rakkam A Sangma ban siew pynkhuid noh ia ka tulop ba pynsah bad ka arrear hapoh ka por ba dei bad ban weng noh kham kloi ia ki jingeh ki nonghikai SSA” ong u President ka Association LG Momin ha ka kyrwoh.
Kane ka tulop ba sahteng ka dei jong u bnai Iaiong haduh u bnai Jylliew.
Ula pynpaw ruh ia ka jingsngewkhia halor ka jingbym lah jong ka Sorkar ban siew ia ka tulop man ka laibnai wat hapdeng ka jingkular bala khlei da u Symbud Myntri Rangbah ka Jylla Bah Prestone Tynsong ha u snem bala lah.
Kat kum ka jingong jong u, ka Sorkar Jylla ha ka kyrwoh khubor ba la pyllait dang shen, kala pyntip ba ka arrear ba dang sahteng jong ki nonghikai SSA kala kot haduh T. 1191.615 lak kat haduh u bnai Jylliew.
Pule ruh: Yn mihkhmat ka Saiden SS, Mynken Christian HSS sha ka State Level Subroto Cup na Ri-Bhoi
