Dawa ka KSU ban pynrung ia ka Science & Commerce ha ka Tyrsad HSS

Date:

Share post:

Shillong, Naitung 05: Ka Khasi Students Union (KSU), Tyrsad Unit kala dawa ia ka Sorkar Jylla ba kan pynrung noh ia ka tnad pule Science bad Commerce ha ka Tyrsad Higher Secondary School.

Ka KSU-Tyrsad hapoh ka jingialam u President samla Khrawphyrnai Rynjah, kala buh ia kane ka jingdawa hakhmat u Myntri ka Tnad Pule Puthi ka Jylla ma Lahkmen Rymbui lyngba ka dorkhas bala aiti hynne ka sngi ba-ar.

Ha kane ka dorkhas, ka KSU kala buh artylli ki jingdawa kata ban pynrung noh ia ka Tnad pule Science bad Commerce ha ka Tyrsad Higher Secondary School na ka bynta ki klas XI bad XII bad ruh ban wanrah noh ia ka jaka pule n aka bynta ki Bachelor Degree jong ka Arts Stream ha ka thain.

“Ka Jylla kala kynjoh 50 snem ha ka jingioh iala ka jong ka Jylla hynrei ki thain nongkyndong ki dang sahdien bha ha ka pule ka dangle” ong u samla Khrawphyrnai uba ong ba ka Sorkar Jylla kala dei ban phai khmat kyrpang sha ki jaka nongkyndong khnang ba ki samla kin ioh ka lad ban pule ha ki kyrdan bapher bapher hala ki jong ki thain khlem da donkam ban kiew sha Nongbah Shillong.

Une u Nongialam ka KSU ula pyntip ba u Myntri ka Tnad Pule Puthi ula kular ban sa shimkhia ia kane ka jingdawa jong ka KSU ban ban iakren bad u Myntri Rangbah ka Jylla ban pynbeit ia kaei kaba lah ban leh.

Share post:

spot_img

Popular

More like this
Related

Wanlambok Nongkhlaw to lead Meghalaya in 1st NE Inter State Friendship tourney

Shillong, March 26: The Senior Men and the U-25 Men...

Jied ka MCA ia ka kynhun cricket U-25 sha ka 1st North East Inter State Tournament

Shillong, Lber 26: Ka Senior Men bad ka U-25...

Pynkup burom ka Lum Nongthymmai ia u Bah Sosthenes Sohtun

Nongpoh, Lber 26: Ka Dorbar Shnong Lum Nongthymmai, hynnin...

Rah ka Max XXI Fc ia ka Open to All Knock Out FT ba la pynlong da ka TULBA

Nongpoh, Lber 26: Ka kynhun Max XXI FC ka...