spot_img

Dawa ka HYC ia ka SMB ban weng ia ka jaka bret niut ha Motphran ba kylla jaka die droks

Date:

Share post:

Shillong Jymmang 06: Ka Hynniewtrep Youth Council hynne ka sngi Nyngkong kala dawa na ka Shillong Municipal Board ban weng noh ia ka jaka bret niut kaba don ha Motphran haba kynnoh ba kane ka jaka kala kylla long ka jaka die bad dih droks.

Ha ka dorkhas kaba la aiti da ka HYC sha u Chief Executive Officer ka SMB, la pynpaw ba ka seng kala leit jurip ha ka 2 tarik u Jymmang ia katei ka jaka bret niut kaba la buh da ka SMB hadien ba ka seng kala ioh pdiang ia kiba bun ki jingujor na ki paidbah.

“Ha ka jingjurip ngi la shem ba katei ka jaka bret niut jongka SMB ym tang ba kala pynmih ia ka jingsma iwtung kaba la ktah ia ki paidbah nongleit nongwan na katei ka jaka hynrei kala kylla long ruh kum ka jaka die bad jaka dih droks kaba ki nongdie bad nongdih kila riehtngen ha kyndong jong katei ka jaka” ong u Vice President ka HYC u Francis G Mawlong.

“Kitei ki jingjia kila jia tang ha ka por mynsngi bad ngi la iohkem ia ki briew kiba pyndonkam ia u drok na katei ka jaka ha ka por ba ngi leit ban jurip. Ka jingdon jong katei ka jaka bret niut ka la long kum ka jaka kaba shngain ia kito kiba pyndonkam ia u droks hakhmat jongki paidbah hynrei la pynkylla ruh ia ka Motphran kum ka jaka Marten ia kaba ym lah ban pdiang bad kaba hap ban pynrem da baroh namar ba ym shim la tap satia ia ki niut bad kitei ki niut kila saphriang ha ki surok jong ka nongbah” la pynpaw ka HYC.

“Ngi dawa ba dei ban shimkhia mardor ban weng noh ia katei ka jaka bret niut bad kumjuh ban pynkhuid noh ia katei ka jaka bad lada jia ba pulom, ka seng kan shim hi ia ka sienjam ban weng hi noh dalade ia katei ka jaka bret niut” la pynkut ka HYC.

Share post:

spot_img
spot_img

Popular

More like this
Related

Pynsangeh ki Samla ka Hima Lyngiong ia ka jingshna pandal iaid Yatra sha Krem Mawjymbuin

Shillong, Naitung 28 : Ka Seng Samla Lyngiong Pyllun,...

Inter School Karate | Rah ka St.Anthonys HSS ia ka team Champion ki shynrang, ka Auxilium HSS ha ki Kynthei

Shillong, Naitung 28: Ka St Anthony's Higher Secondary School...

Nagaland | Kynnoh ka NSCN/GPRN ba kyndang ka Assam ia ki mynder ban dakhol iaki jaka ki Naga

Kohima, Naitung 28: Ka NSCN/GPRN (Niki) kala kynthoh ba...

Kyrmen | Ka LTA bad Sixth Schedule kala iada ia Ngi | Banjur ban tehlakam sa ka shongkha khleh

Shillong Naitung 28: U Nongialam ka United Democratic Party...