Shillong, Jymmang 20: Ka Hynniewtrep Youth Council (HYC) hynne ka sngi Ba-ar, kala dawa naka Khasi Hills Autonomous District Council (KHADC) ba kam dei ban ai trading license iaka Company na Delhi ka M/s ASTOR INC.
Haka shithi sha u Executive Member (EM) ba khmih iaka Trade ka KHADC, u President ka HYC Bah Roykupar Synrem u la kynnoh ba Company M/s ASTOR INC na New Delhi, kala ioh kam contract ha NEIGRIHMS ba kan ai ia ki katto katne ki jingshakri kat kum ka tender ba 3 tarik Naitung 2024.
U Bah Roykupar u la ong ba ka NEIGRIHMS ka la aiti ia ka kam sha katei ka Company da kaba kdat sharud ia uwei u Contractor trai ri uba don ia ka rekod treikam ba u lah ban trei ia kijuh ki kam ha NEIGRIHMS.
“Kane ka jingleh jong ka NEIGRIHMS ka dei ka jingpyrshang kaba shai ban kyntait ïa u/ka Contractor trai ri kiba dei hok bad kiba lah ban ïoh ïa ki lad kamai bad kumjuh ruh ka pynduhjait ïa ka jingroi ka ïoh ka kot ha ka thaiñ kaba ha kajuh ka por ka pynduna ïa ki lad kamai na ka bynta ki nongtrei trai ri trai muluk” la kynnoh u Bah Roy.
“Ka kam jong kane ka Company ka dei kaba dang hap hapoh u pud u sam jong ka KHADC bad kumta ka donkam ia ka trading license na ka council katkum ki kyndon jong ka Khasi Hills District (Trading by Non-Tribals) Regulation, 1954” u la ong.
“Kumta ngi dawa ba ym dei ban ai trading license ïa kino kino ki kynhun kiba nabar bad khamtam eh ïa ka M/s ASTOR INC na New Delhi da kaba pyntreikam tyngeh ïa ki kyndon jong ka kyndon, 1954 bad kham bniah ïa ka section 3A jong ka Regulation” u la bynrap.
 hynne ka sngi Ba-ar, kala dawa naka Khasi Hills Autonomous District Council (KHADC) ba kam dei ban ai trading license iaka Company na Delhi ka M/s ASTOR INC.){kind=link}