Nongpoh, Nailar 22: Ka Hynniewtrep Youth Council (HYC), Ri Bhoi District ka la dawa ia ka sorkar jylla ba kan pyndep noh marmar ia ki jingtei jong ka Residential School kaba don ha Myrdon Mawtari haba byrngem ba ka seng kam banse ban shim da ki lad ba tyngeh lada ka sorkar kan nang mynthi halor kane ka jingdawa.
Ki nongialam ka HYC, ba la lamkhmat da u Bah Hercules Suting, kum u president, u Shemphang Masharing, Secretary ki la jurip ia kane ka jingtei kaba la sahteng da ki snem ha Myrdon Mawtari bad lap ba kane ka skul ka la shu ieng tang ka building katba kiba bun kiwei kiwei ki jingtei ki dang sahteng bad kylla ingjah ha katei ka jaka.
U Bah Hercules Suting, u la iathuh, ba ka seng ka la ioh ban lum jingtip ba ha kane ka jylla Meghalaya ki don haduh kumba 19 tylli ki Residential School bad kumba 3 tylli ha Ri Bhoi District kiba la mang ban tei ha kaban kyntiew ia ka pule ka puthi bad ka lad jingiarap na ka bynta kito ki khynnah skul kiba wan na ka longing baduk ba rangli hynrei ki jingtei ia kine ki skul ki dang sah khongreng haduh kine ki sngi.
U la iathuh ruh, ba la sdang ban tei ia kine ki Residential School naduh ki snem 2012-2013 naduh ba dang lamkhmat ka sorkar MDA 2 ba ialam da u Dr. Mukul Sangma kum u Myntri Rangbah ka jylla Meghalaya, hynrei la shem pat ba haduh mynta kiba bun ki jingtei jong kine ki skul kila sahteng, kiba long pynban kum ka jingduhnong ia ki paidbah kane ka jylla Meghalaya.
Na ka liang ka HYC, shen kan sa kynduh ruh ia ki bor ba halor jong ka sorkar jylla ban iakren halor ka jingsahteng ban pyndep ia kine ki iingskul khamtam kiba don ha Ri Bhoi District kiba kynthup ia ka Myrdon Mawtari, ka Nongrim Synjai kaba don ha Umling C&RD Block bad kawei pat kaba don hapoh ka Jirang C&RD Block.
Pule ruh: Pynkhreh ka Meghalaya da ka lympung ialehkai ba shitaiew ban rakhe ia ka National Sports Day
PEIT:
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
, Ri Bhoi District ka la dawa ia ka sorkar jylla ba kan pyndep noh marmar ia ki jingtei jong ka Residential School kaba don ha Myrdon Mawtari haba byrngem ba ka seng kam banse ban shim da ki lad ba tyngeh lada ka sorkar kan nang mynthi halor kane ka jingdawa.){kind=link}