Shillong, Naiwieng 03: Ka seng Hynniewtrep Youth Council (HYC) Education cell hynne ka sngi kala aiti daka dorkhas sha u myntri ka tnat pule puthi u bah Lahkmen Rymbui halor ka jingpynslem ka sorkar ban pyllait iaka bai bam lane Scholarship jong iaki samla pule naduh u snem 2021-2022.
Haba kren sha ki lad pathai khubor u Education secretary ka HYC u samla Enlang Sawian u la iathuh ba ka seng ka wan kynduh ia u myntri ka tnat pule namar ka jingiohpdiang iaka jingud jingnam jong ki babun ki samla pule halor ka jingpynslem jong ka sorkar ban pyllait iaka Scholarship.
U samla Enlang u la iathuh ba katkum ka jingtip jong ka seng, kiwei ki jylla kila dep ban pyllait ia ka Scholarship hynrei kaba sngewlyngngoh pat baka jylla Meghalaya haduh mynta kam I don dak ban pyllait iaka Scholarship.
“Ka jingbymioh ki samla pule ia ka Scholarship naka bynta ka shisnem kala buh jingeh iaki bad khamtam eh naka bynta kiba duna haka ioh ka kot” la ong u sama Enlang.
U samla Enlang ula pynkynmaw ruh iaka jingkular u Myntri Rangbah ka jylla u Conrad Sangma ba hapoh ka shitaiew yn pyllait noh iaka Scholarship hynrei haduh mynta ka khlem urlong satia bad kane kala pyndiaw mynsiem shibun iaki samla pule khamtam kiba wan naka longiing kaba duk.
U la ong ba ka seng ha ryngkat ki samla pule kila ong ba kin aipor iaka sorkar 6 sngi ba kan pyllait noh iaka Scholarship bad kila kren da ka bashai ba lada ka sorkar kam shimkhia ia kane ka kam, ka seng kan pynlong da ka jingiakhih.
