Shillong, Naiwieng 04 : Ka Hynniewtrep National Youth Front (HNYF)-Southern Border Area, kala dawa ban pynieng ia ka weighbridge ha Umpung khnang ban tehlakam ia ka jingiaid ki trok ba kit palat pud na Jingkieng Umpung.
Ha ka shithi bala phah sha ka Deputy Commissioner ka East Khasi Hills ha ka sngi Ba-ar, u President ka seng K Thongni ula maham ia ka jingma kaba khraw lada ym leh eiei pyrshah ia ki trok ba kit palat pud.
Kat kum ka jingong jong u, ka jinglah kit jong kane ka jingkieng ka dei 9 ton hynrei ki trok ba kit palat ia u pud kila pynsynjor ia kane ka jingkieng.
U Executive Engineer ka Mawsynram Division PWD (Roads) ula pynieng ia ka signboard ba pynpaw ia ka jinglah kit jong kane ka jingkieng, hynrei ki trok ba kit palat pud, ki dang iai bteng ban iaid, kaba la buh jingma ia ka jingkieng.
Kane ka jingkieng bala 60 snem, kaba la trei ha ka por ka Sorkar Assam, kala pyni ia ki dak ka jingtor, ong u bah Thongni ha ka shithi bala bynta ba ka jingjulor jong ka jingkieng Umpung kan ktah ym tang ia ka East Khasi Hills hynrei ruh ia ka South West Khasi Hills District, khamtam ia ka kamai jakpoh jong ki nongshongshnong ha khappud.
-Southern Border Area, kala dawa ban pynieng ia ka weighbridge ha Umpung khnang ban tehlakam ia ka jingiaid ki trok ba kit palat pud na Jingkieng Umpung.){kind=link}