Shillong, Naiwieng 04: Ka Meghalaya’s Information Technology & Communication Department (IT&C) kala ioh pdiang ia ka Khusnam “Dual Platform Achiever” Award halor ka jingtbit ban pynthikna ia ka jingpyniasoh ia ka rynsan hapdeng ka DigiLocker bad EntityLocker jong ka National eGovernance Division (NeGD).
Ia kane ka khusnam la aiti sha ka tnad ha ka DigiLocker/EntityLocker Conference kaba la long ha Bharat Mandapam, New Delhi hynne ka sngi baar.
Ia kane ka jingialang la pynlong da ka jingthmu ban ithuh ia ki jylla kiba lehbha ha ka jingpyrshang ka jongki ban pyniasoh ia ka jingshakri ki tnad sorkar bad ka
DigiLocker bad ka EntityLocker, ban kyntiew ia ka jingiohi jngai jongka Digital India.
“Kane ka rukom treikam ka pyni ba ka Meghalaya ka iengskhem ha kaban pynkup bor ia ki nongshong shnong bad ia ki kynhun da ka jingshngain, jingshaniah bad ki lad ban pynbeit lyngba ka kor digital. Da kaba pyndonkam ia baroh artylli ki rynsan, ka Meghalaya kala pyni ia ka jinglong nongialam na ka bynta ka pateng kaba iadei bad ka jingsysnhar khaddar” la ong u Commissioner & Secretary u Pravin Bakshi.
Ka IT&C Department, Planning Department bad ka kynhun jongka SeMT Meghalaya lyngba ka jingiatreilang bad ka jingtrei shitom kila lah ban pynurlong ia kine ki artylli ki mawjam, ula bynrap.
Kane ka jingialang la lum lang ia baroh ki heh nongthaw polisi treikam, ki nonghikai, ki nongpyrkhing, ki nongialam na ki karkhana bad ki riewpawkhmat ha ka liang ka Technology kila iatai ha kaba iadei bad ka pateng jong ka kot ki sla digital kiba lah ban shaniah kiba lah ban pyniasoh hapoh ka ri India bad ka Digi Locker kum ka bynta kaba kongsan na ka bynta ban phaikhmat sha ki nongshong shnong ha ka kam synshar khaddar bad ka jingkongsan ki bynta jongka India Digital Public Infrastructure, kaba banjur ia ka jingpyniar ia ki ‘Applications’ ha ka jingshakri ka sorkar, ka pule puthi, FinTech bad ka Value-Added Services.
Ia kane ka jingialang la plie da u S Krishnan, Secretary, MeitY.
 kala ioh pdiang ia ka Khusnam "Dual Platform Achiever" Award halor ka jingtbit ban pynthikna ia ka jingpyniasoh ia ka rynsan hapdeng ka DigiLocker bad EntityLocker jong ka National eGovernance Division (NeGD).){kind=link}