spot_img

Dawa ka FKJGP ia ka Sorkar ban ai C&RD Block noh ha Mawhati

Date:

Share post:

Nongpoh, K’lyngkot 11 : Ka Federation of Khasi Jaintia & Garo People (FKJGP)-North Khasi Hills, hynne ka sngi Saitjain, kala dawa ia ka Sorkar Jylla ba kan pynurlong noh ia ka jingdawa ban pynkha ia ka C&RD Block ha Mawhati.

Kala dawa ruh ba dei ban pynurlong noh ha kaban shna ia ka surok na Sonidan sha Umsiang-ka ban pyniasoh sha Topatoli, ia kaba la mang kumba T.130 klur.

Haba kren bad ki nongthoh khubor, u General Secretary ka FKJGP-NKH Bah Shanlang Diengdoh ula iathuh ba ka Seng kala buh ia kine ki mat jingdawa la katto katne snem haba pyntip ba wat u Symbud Myntri Rangbah Bah Prestone Tynsong, dalade ula kular dang shen ban pynurlong noh ia kine ki jingdonkam jong ki paidbah ka thain Mawhati.

“Dang shen ha ka jingkren paidbah ha ka shnong Nongjri, u Bah Prestone Tynsong u la pynpaw paidbah ba ka sorkar jylla kan sa pynurlong noh shen ia ka jingdawa ia ka Mawhati C&RD Block bad ia u surok ba T.130 klur na Sonidan sha Umsiang”, ong u Bah Diengdoh.

Ka FKJGP ka la buh jingkyrpad ba ka sorkar jylla Meghalaya kan pynkloi noh haba pynpaw ruh ia ka jingsngewnguh ia u MLA ka Mawhati u Bah Charles Marngar, u la shimkhia lem ha kaba ia dei bad kine ki mat jingdawa ba kongsan jong u paidbah ka Mawhati.

Share post:

spot_img
spot_img

Popular

More like this
Related

Bam smai ki 8 ngut ki Myntri thymmai ka Sorkar MDA-II

Shillong, Nailur 16 : U Lat ka Jylla CH...

Child Rights Commission urges swift Action in murder of four-year-old in Nongrah

Shillong, Sept 16: The Meghalaya State Commission for Protection...

Wan pyniasoh u MP barim ka NPF sha ka NPP | Khmih lynti u Conrad ia ka jingkylla ka sain pyrthei ha Manipur

Shillong, Nailur 16: Ka National People Party (NPP) ha...

Arunachal Pradesh | Iakhih ki Khynnah Skul da kaba iaid kjat haduh 65 Km ba duna nonghikai

Itanagar, Nailur 16: Kumba 90 ngut ki khynnah skul...