Nongstoin, Jylliew 27 : Ka Federation of Khasi Jaintia & Garo People (FKJGP)-West Khasi Hills, kala dawa ia ka kompani sain nar bala tip kum ka Shekambari Ferro Alloy Pvt.Ltd, ba kan pyllait noh mar dor ia ka bai nong jong ki nongbylla baroh.
Ka FKJGP-WKH hapoh ka jingialam u Vice President Carryoscar Kharmuti, kala hiar hynne ka sngi Palei sha kane ka karkhana kaba don ha Rwiang, halor ka jingioh pdiang ia ki jingujor na ki Nongtrei Khasi ba ki shah set ka bai bylla ha kane ka kompani.
Kat kum ka jingong jong u, ki nongtrei jong kane ka karkhana, kiba dei ki Khasi, ki ju iakynduh jingeh man ka por namar ka jingset set ka bai bylla. U iathuh ba ki nongtrei ki ju leit ud leit nam sha ki borkhmih hynrei ym don ba pynsngap satia ia ka jingeh jong ki.
U ong ba dei halorkane ka nongrim, ka Seng kala hiar dalade ban iakynduh ia ki bor pyniaid ka kompani bad ban daw aba kim dei ban nion bein ia ki nongtrei Khasi.
Ha kajuh ka por, kane ka Seng kala talasi ruh ia ki kot ki sla jong baroh ki nongtrei bar jylla kiba trei ha kane ka karkhana ban pynthikna ba kim dei ki nongtrei ba wan rung be-ain.
-West Khasi Hills, kala dawa ia ka kompani sain nar bala tip kum ka Shekambari Ferro Alloy Pvt.Ltd, ba kan pyllait noh mar dor ia ka bai nong jong ki nongbylla baroh.){kind=link}