Shillong, Iaiong 28: Ka Confederation of Meghalaya Social Organisations (COMSO) ha ka sngi Nyngkong, kila dawa ban thung noh mardor da ka jingtohkit majisterial lane judicial halor ka jingkynnoh pyndonkam bakla ia ka pisa jong ka skhim, Mahatma Gandhi National Rural Employment Guarantee Act (MGNREGA) hapoh ka Demdema C&RD Block lyngba ki job card thok bad kumjuh ruh da kaba phah ia ka pisa sha kiwei pat ki account.
Ha ka shithi sha u Deputy Commissioner jong ka West Garo Hills, ka COMSO ka la thoh, “Ngi dawa, ban pynlong ïa ka jingtohkit Magisterial ne ka Judicial ba khlem shah liang halor ka jingkynnoh pyndonkam bakla ia ka jingai jop card ba thok bad ka jingpyndonkam bakla ia ka pisa”.
Ka COMSO kala dawa ruh ban sospon noh mardor ïa ki ophisar, kynthup ïa u DEO, katba dang sah ka jingtohkit, ban lait na ka jingpynkylla ïa ki jingthoh ne digital record bad ban pynthikna ïa ka jingtohkit kaba hok nalor ban pynlong ïa ka jingpeit bniah ïa baroh ki job card ba la ai bad siew bai bylla ba la leh ha ka ophis Demdema C&RD Block ha kine ki san snem ba la dep.
Ka COMSO ka la pynshong nongrim ha ki jingtip ba la pynshisha bad ki kaiphod na ki nongshong shnong, kiba la kynnoh ba ka la don bun ki job card thok bad be-aiñ kiba la pynmih hapoh katei ka Block hapdeng ki snem 2020-2021 haduh 2024-2025.
Kane ka jingleh bymhok, ryngkat bad ka jingphah ia ka pisa jong ki briew I bym dei hok,ka long kum ka jingshah thombor ia ka ain jong ka MGNREGA, kaba thmu ban kyntiew ia ki paidbah baduk ha ka thain nongkyndong.
Shuh shuh ka COMSO kala ong, Katkum ka jingpeit bniah la lap ba ka jingdon jong ki jop card ba aid a ka Demdema C&RD Block ka kiew sted bha ha ka rukom kaba pher bha, khamtam eh ha ka shnong kum ka Bhangarpar bad Bangalkhata (Muslim), ha kaba ka jingdon jong ki Job Card ka la palat wat ïa ka jingdon ki nongthep vote,” ong ka COMSO bad bynrap ruh “Ka jingtohkit ka kdew ruh ia ka jingleh ia ki kam thok ba la lam khmat da ki katto katne ngut ki heh ophisar kum u Data Entry Operator, u Dildar Attaullah Reza.
La kynnoh ba ki don ki case ba ki khynnah kiba dang rit ki don ha ka thup kum ki nongioh bynta ha ka jop card, bad ka jingsiew pisa sha ki briew ki bym dei hok.
 ha ka sngi Nyngkong, kila dawa ban thung noh mardor da ka jingtohkit majisterial lane judicial halor ka jingkynnoh pyndonkam bakla ia ka pisa jong ka skhim, Mahatma Gandhi National Rural Employment Guarantee Act (MGNREGA) hapoh ka Demdema C&RD Block lyngba ki job card thok bad kumjuh ruh da kaba phah ia ka pisa sha kiwei pat ki account.){kind=link}