Shillong, Nailar 09 : Sa 7 tylli ki mukotduma kam bymman pyrshah ia ki MP bad MLA, ki dang sahteng ha ka jingbishar ha ki Iingkashari bapher bapher hapoh ka Jylla.
Ka Iingkashari Meghalaya High Court ha ka hukum ba pynmih ha ka sngi Palei kala ong “Kumba la buh jingthoh ha ka hukum ba pynmih ha ka 11.06.2024, ki don 7 tylli ki mukotduma ba dang sahteng ha ki kyrdan bapher bapher ha ki Iingkashari bapher bapher”.
Kala ong ba u R Colney, GA ula pyntip ba u dang ap mynta ban ioh pdiang ia ka kaiphod khatduh eh halor kane ka kam.
“Kumta, buh ia kane ka kam (mukotduma) ha ka 20 tarik Nailar, 2024 ban file ia ka kaiphod ba khatduh eh” ong ka Iingkashari.
Kane ka suo-moto case bala jer kyrteng In-re : Designated Courts for MPs/MLAs ban peit ia ka jingpyndep noh ia ki mukotduma la register kat kum ka jingbthah jong ka Iingkashari Supreme Court ba 9 tarik Naiwieng, 2023.
