spot_img

Dang ap sah ka HSPDP ia ka jubab na u Bah Samlin

Date:

Share post:

Shillong, Nailar 23 : Ka HSPDP haduh mynta ka dang ap sah ia ka jubab na u Bah Samlin Malngiang, MLA jong ka na Sohiong ban aiktien la un iakhun biang na ka party lane un leit ban iakhun noh na kawei ka party ha ka elekshon MLA 2023.

Kane ka jingap jingpynshai ka HSPDP kala mih hadien ka jingphriang ki khubor ba une u MLA bad myntri barim ka Sorkar, u don jingthmu ban leit pyniasoh bad iakhun noh na ka NPP.

Ki nongialam ka party ki iathuh ba mynta ki ap sa ia ka khubor na u nongialam ka party uba ki la aiti ba un leit ia kren markhmat bad utei u MLA ban ai ia ka jubab kaba shai.

“Ngi dang ap mynta sa ka jubab kaei kaba utei u MLA u don ban ong,” ong uwei na ki nongialam ka party.

La sngewthuh ba lada ka jubab ka long kaba shai, khlem artatien ka party kan wad beit da kiwei pat ki kyrtong kiban aireng kumba ka la leh ha Mawkyrwat ha kaba ki la jied da uwei pat u kyrtong ha jaka jong u Bah Renikton Lyngdoh Tongkhar.

“Ngi kwah noh ia ka jubab kaba shai la un (Samlin) dang iakhun na ka party lane un leit noh shawei pat,” la bynrap utei u nongialam ka HSPDP.

Share post:

spot_img
spot_img

Popular

More like this
Related

Nagaland | Pynphai ki bor Sorkar ia palat 200 tylli ki kali ba kit ia ki mynder ba kyndang na Assam

Kohima, Naitung 25: Ki bor pyniaid District jong ka...

Ban jur ka Assembly Committee ia ki karkhana ha Byrnihat ban siew thikna ia ka ram ka MIDC

Shillong, 25 July : Ka Committee on Public Undertakings...

Dep pynkynriah ka Sorkar ia ki dukan madan sha MUDA Parking Lot

Shillong Naitung 24: Ka Sorkar Jylla kala pyndep ban...

Sei ia ka sakhi halor ki khyrdop lum khajna beain, ong ka KHADC ia ka seng trok

Shillong, Naitung 24: Ka Khasi Hills Autonomous District Council...