Shillong, Naiwieng 06 : Ka Meghalaya State Pollution Control Board (MSPCB) kala dain ia ka kuna pynjulor mariang ba T. 15 lak ia ka National Highways and Infrastructure Development Corporation Limited (NHIDCL) namar ka jingpynkhein ia ki kyndon iada mariang ha ka jingpyntrei ia ka surok Shillong-Dawki, kaba lam sha ka jingjngut jong ka Wah Umngot.
“…ka Board ka pynjari ia ka hukum ban siew bai pynjulor mariang ia u General Manager (P), NHIDCL, namar ki jingpynkhein ia ki kyndon ba haneng, kaba long T. 3,75,000 ha kawei kawei pa kawei ka jaka, kaba kot baroh lang haduh T.15 lak” ong u Chairman ka MSPCB ha ka shithi bala phah sha u General Manager (P) ka NHIDCL.
La bthah ia ka NHIDCL ba kan siew ia kane ka bai pynjulor mariang hapoh ka 15 sngi na ka sngi ba ioh pdiang ia ka notice.
Ka MSPCB kala maham ruh ba ka jingbym kohnguh ia ki jingbthah ka lah ban ialam shuh shuh sha ka jingshah pynngat ha ki kyndon ain, kynthup ka jingsdang ban pynngat mukotduma bad kiwei kiwei ki kam kiba iahap kat kum ki ain kiba iadei.
Ka MSPCB kala shim ia kane ka sienjam haba pynshong nongrim ia ki jingshem na ka jingleit jurip kaba la pynlong ha ka 3 tarik Naiwieng, 2025.
Ka kynhun jurip kala ithuh ia saw tylli ki jaka-hapdeng ka Laitlyngkot bad Langkyrdem bad hapdeng ka Laitlyngkot bad Pynursla ia kaba la sjem ba ka don ka jingpynkhein ia ki kyndon iada mariang.
Ka jingjurip kala shem ia ka jingtheh khyndew ha bun ki jaka, ka jingsait ia u shyiap bad ka jingbym don ki jingker ban iada ia ka jingtuid ka khyndew ha kane ka project.
Kine ki kam kila synniang sha ka jingkylla jngut bad jingtuid ka ktieh sha ki wah ba marjan kynthup ka Wan Umngot bad ki wahduid jong ka, bad ka jingkhang lynti ruh ia ki wahduid namar ka jingtheh khyndew/
Kine ki jingleh ka NHIDCL la shem ba ki long pyrshha ia ki kyndon jong ka Water (Prevention and Control of Pollution) Act, 1974, the Air (Prevention and Control of Pollution) Act, 1981, bad the Environment (Protection) Act, 1986.
 kala dain ia ka kuna pynjulor mariang ba T. 15 lak ia ka National Highways and Infrastructure Development Corporation Limited (NHIDCL) namar ka jingpynkhein ia ki kyndon iada mariang ha ka jingpyntrei ia ka surok Shillong-Dawki, kaba lam sha ka jingjngut jong ka Wah Umngot.){kind=link}