Shillong, nailar 15 : Da ki spah tylli ki kali ar shaka ki lashim bynta ha ka jingiaid rally ‘Tricolour bike rally’ hapoh ka phang – ‘Azadi Ka Amrit Mahotsav’ kaba long shi bynta ban pynphuh ia ka jingrakhe dap 75 snem ka jingioh laitluid jong ka Ri India.
Kitei ki kali ar shaka kiba la teh ryngkat bad ka Lama Lai-rong jong ka Ri ki la sdang ia ka jingiaid rally na Demseiniong ter ter sha ki thain Polo.
Lah ban kdew hangne ba ia ka Har Ghar Tiranga campaign, la pynbna paidbah da u Myntri Rangbahduh ka R, u Narendra Modi ha u bnai ba la dep da ka thong ban pynkhie im ia ka mynsiem ieit ri ha baroh kawei ka ri India da kaba bthah ba kin pyndait ia ki lama ha man la ki longiing naduh ka 13tarik haduh – 15 tarik ha kaba ka Ri ka rakhe ia ka jingdap 75 snem ka jingioh jinglaitluid.
Haba pynbna ia katei ka jingialap, u Myntri Rangbahduh ka Ri u la pynkynmaw ruh lyngba ka tweeter jong u ba katei kan pynngam jylliew shuh ia ka jingiadei hapdeng ki paidbha bad ka lama lai rong jong ka Ri.
