Shillong, Sep 27: Ka jingialehkai bha jong u Gaurav Narleng bad u Macdonald Makdoh hynne ka sngi Balang, kala pynlong iaka Ri-Bhoi District Cricket Association ban pynrem da 4 wiket ia ka Shillong Cricket Association B ha ka Zone 1 jong ka Group A ha ka jingiakob ialehkai Cricket kaba la pynlong da ka Meghalaya Cricket Association U-19 Boys Inter District Cricket Tournament kaba la long ha Umbuda, Nongpoh.
Ka Ri Bhoi kala duh jingkyrmen ban beh iaka jingkamai 186 run ka SCA, khamtam haba kala kamai tang 43 run bad ha p5 wiket, hynrei haba u Gaurav bad u Macdonald kila wan ban tied bad kila ialehkai bha ban pynjop iaka Ri Bhoi.
Ia kane ka jingiakhun la pynialehkai tang 28 Over, u Gaurav ula kamai 62 run na ki 30 bol, katba u Macdonald ula tied 62 run na ki 35 bol, u Gaurav ula out noh haka over kaba 19 hynrei u Macdonald ulatied ban ialam iaka kynhun sha ka jingjop haka over kaba 23.
U Toshar Hajong jongka SCA-B ula ioh 2 wiket bad ai 27 run katba u Harris Ahmed ula shim 2 wiket bad ai 48 run.
Ha shwa kane, ka SCA-B kala kamai 185 run hap 8 wiket haka 28 over, ha kaba u Trinayan Dutta ula kamai 90 run na ki 76 bol, katba u Manthan Dey ula kamai 38 run na ki 24 bol.
U Benedict J Makdoh ula ioh 3 wiket bad ai 36 run.
