Nongpoh, Rymphang 04 : Ka Hynniewtrep Youth Council (HYC) Ri-Bhoi Sepngi, kala byrngem ban mih leit khang hi dalade ia ka jingiaid ki kali kit mar ba palat pud na Jingkieng Lailad lada u Deputy Commissioner ka Ri-Bhoi, um tehlakam noh mardor.
Kane ka jingbyrngem kala mih hadien ka jingsngap mynthi jong ki bor District ia ka jingujor ba buh jingma ki kali kit mar ba palat pud ia ka jingkieng namar ba kala synjor bad khynniuh haba iaid ki kali.
Ka HYC-Ri-Bhoi Sepngi ha ka jingialam u President RC Thangkhiew, kila leit ban tynruh biang ia u Deputy Commissioner ban pynkynmaw ia ka jingujor bad ki jingeh ki ban mad da ki paiadbah ka thain Ri-Bhoi Sepngi lada jia ba khyllem ne kdiah noh kane ka jingkieng.
“Kane ka dei ka sien kaba lai ba ka seng kala ujor bad pynkynmaw ia u Deputy Commissioner. Lada um leh eiei sa ha kane ka lynti, ngin phah mih iala ki dkhot ba kin leit ieng ha Jingkieng Lailad bad bat ia ki kali ha kane ka jingkieng” ula ong.
Ula ong ba ka Seng ka dawa ba ki bor District ki dei ban khang noh ia ka jingiaid ki kali ba kit mar ba palat 9 ton na kane ka jingkieng.
 Ri-Bhoi Sepngi, kala byrngem ban mih leit khang hi dalade ia ka jingiaid ki kali kit mar ba palat pud na Jingkieng Lailad lada u Deputy Commissioner ka Ri-Bhoi, um tehlakam noh mardor.){kind=link}