Shillong Nohprah 09: Ka KSU Khliehriat Town Unit bad ka Ladrymbai Unit kila leit iakynduh ia u Additional SP ka East Jaintia Hills u Bah Banraplang Jyrwa uba khmih iaka tnat pyniaid kali (Traffic), ha ka 8 tarik u Nohprah ban pynpaw ia ka jingsngewkhai halor ka jingjur palat ka jingdheng kali kaba man la ka sngi ha Ïew Ladrymbai bad Ïew Khliehriat naduh mynstep haduh janmiet.
Ka KSU EJHDU ha ki kyndiat bnai ba la dep, kala leit ai da ka dorkhas bad pynsgew sha u Myntri ka tnad Kam Pohiing u Bah Prestone Tynsong ban buh da noh da ka Traffic Branch hapoh District khnang bay n lah ban teh lakam bha ia ka rukom pyniaid kali haka District, hynrei sngewsih ba haduh mynta, ka sorkar ka khlem leh eiei halor kane ka jingdawa ka seng.
Ka seng lyngba u samla nongialam Chanky Shylla, General Secretary Ladrymbai Unit bad Samla Kyrshan Dkhar, President Khliehriat Town Unit kila ai jingmut ia ka tnad Traffic Cell ban tehlakam ia ka jingjur palat ka jingdheng kali ha ka district bad Ïew Ladrymbai da kaba pynmih iaka Advisory lane Order kaban pyniaid noh ia ki trok thylli na ka Bypass Ladrymbai PWD khnang ban lait na ka dheng kali ha ka por mynsngi ha Ladrymbai bad Khliehriat kaba la ktah ia ka iaid ka ieng jongki paidbah bad ia ki khynnah skul.
Kila ong ba kane ka jingdheng kali kala ktah ruh wat ia ki kali Fire Brigade bad Ambulance kiba leit na kawei ka jaka sha kawei pat, kaba lah ban wanrah ia ka jingjia ba sngewsih lada sahkut ha ka dheng kali.
Ia katei ka jingai jingmut na ka liang ka seng kala kyntu ba leh shwa tang kum ka jingpyrshang bad ban peit la ka seisoh ne em bad ka KSU ka seng iengskhem ba ka long kaba donkam ban don noh ia ka Traffic Branch ha ka District khnang ba ki paidbah ka thain kin nym shah ktah jur na ka jingdheng kali.
, ha ka 8 tarik u Nohprah ban pynpaw ia ka jingsngewkhai halor ka jingjur palat ka jingdheng kali kaba man la ka sngi ha Ïew Ladrymbai bad Ïew Khliehriat naduh mynstep haduh janmiet.){kind=link}