Shillong, Risaw 01 : Ka Khun Hynniewtrep National Awakening Movement (KHNAM) ha ka sngi U Blei, kala pynpaw ia ka jingbym sngewtynnad ia ka rai jong ka jingialang ki Myntri Rangbah ka Assam-Meghalaya ban weng noh ia ki Pulit na baroh arjylla na ki jaka iakajia pud bad buh bujli noh da ki CRPF.
“Kum ka party ngim sngewtynnad satia iakane ka rai jong u CM ka Assam bad Meghalaya ban weng noh ia ki Pulit ka Jylla bad buh da ki CRPF namar ka CRPF ka dei kaba hap hapoh ka jingpyniaid jong ka Sorkar BJP bad kane kan long ka jingai kabu ia ka Sorkar BJP ka Assam hapoh ka jingialam u Himanta Biswa” ong u Bah Thomas Passah, Working President ka KHNAM.
“Ngi dawa jur ia ka Sorkar ba kam dei ban weng ia ki Pulit ka Meghalaya na ki Border Outpost na ka byta ka jingshngain bad ka bha ka miat jong ki nongshongshnong ka Jylla” ula ong.
Ha ka sngi Saitjain, u Myntri Rangbah ka Jylla Conrad K Sangma ula iathuh ba ka jingialang ki ar Jylla kala pynpaw ia ka jingsngewkhia halor ka jingmih ki jingkynad ha Block-I bad ka thain Khanduli-Psiar kiba don ha khappud ka West Jaintia Hulls bad Karbi Anglong.
U Myntri Rangbah u pyntip ba ki artylli ki Jylla kila rai ban buh noh da ki Central Reserve Police Force (CRPF) kum ka bor pahara ka bym iashah liang ha ki jaka ba don jingiakajia.
Pule lang ia kane: Seng ka New Zealand Aviation ia ka pilot training centre ha Arunachal Pradesh
Peit lang ia kane
