Itanagar, Risaw 01 : Ka long ka khubor ba bha ia ki samla ba kwah long Pilot namar shen ka New Zealand Aviation Academy, kawei na ki bor treikam ba ai jinghikai ia ki Pilot liengsuin ba kamai, kin sa buh ia ka Pilot Training Centre ha Arunachal Pradesh.
U Myntri Rangbah ka Arunachal Pradesh Pema Khandu ula pyntip ba ia kane ka Academy yn buh hajan ka Donyi Polo Airport ha Hollongi, Arunachal Pradesh.
“Ka khubor ba bha ia ki samla ba kwah long Pilot, ka New Zealand Aviation Academy kan sa buh ia ka Pilot Training Academy ha Hollongi, Arunachal Pradesh” ong u Khandu.
U Khandu u pyntip ba ka Airport Authority of India (AAI) kala dep ai wai ia ka jaka sha a Academy.
Haba ai khublei ia ki samla ka Arunachal Pradesh, u Khandu ula ong “Ki samla jong ngi kin ym donkam shuh ban leit hikai pyntbit shabar”.
