Shillong, Risaw 01: Ki nongshong shnong ka Shillong Cantonment Board (SCB) hynne ka sngi U Blei, kila ia mih paidbah ban pynkhuid shnong ban iasnohkti bad u Myntri Rangbah Duh ka Ri ha ka Swachhata Hi Seva.
Ban shim bynta haka Swachhata Hi Seva, ka Shillong Cantonment Board kala ialam lynti ban pynkhuid shnong haki bun bynta jong ka cantonment.
Ia kane ka jingpynkhuid shnong la pynlong haki bynta jong ki skul, ki hospital, ki iew, ki jaka leit shabar paidbah, ki jaka shongkai pynngad, ki surok bad ki jaka kyntoi shnong.
Ha kane ka sngi la shim bynta da baroh ki nongshong shnong kiba la buh hakhmat eh iaka khuid ka suba jong ka shnong ka thaw.
Nalor ki nongshong shnong bad ki heh ka ophisar ka SCB, ha kane ka sngi ka wan shim bynta lang da u BJP MLA jong ka Laban u bah Sanbor Shullai ula kyntu iaki paidbah ban long kiba leh khuid leh suba naka bynta ka bha ka miat jong baroh.
