Shillong, Jylliew 13: Ka Khasi Jaintia Fish Whole Seller and Retailer Association (KJFWRA) kala buh jingkylli iaka sorkar, balei lap ba lap khleh dawai formalin iaki Dohkha tang shisien ha ka san snem.
Kane ka jingkylli kala mih hadien baka Sorkar kala pynmih iaka hukum ba khang haduh 15 sngi ban wanrah bad die Dohkha kiba wanrah na bar jylla hadien bala lap ba ka don ka jinginjek dawai formalin haki Dohkha.
Haba kren bad ki lad pathai khubor u President ka KJFWRA bah Mitchel Wankhar ula ong kynthoh jur ia ka jingkhang jong ka Sorkar jylla ban wanrah Dohkha na Andhra Pradesh haba pyntip ba kine ki Dohkha ki dei kiba la dep leh eksamin hashuwa ban wanrah sha Meghalaya.
U bah Mitchel ula buh jingkylli, balei ka sorkar ka lap ia kane ka dawai la lap tang shisien san snem.
Ula ong ba ka sorkar kala khang ruh ban wanrah Dohkha na bar jylla ha u snem 2018 bad ula buh jingkylli ruh “Hato ka jingleh eksamin iaki Dohkha ka dei tang ia kba wanrah napoh ka jylla Andhra Pradesh ne na kiwei pat ki jylla ruh”.
Pule lang ia kane: Iapynbeit pud ka Assam-Meghalaya : Hapoh u Nailar yn aiti noh ki Regional Committee ia ka kaiphod sha ka Sorkar
