Shillong, Jylliew 14 : U Myntri Rangbah ka Jylla Conrad K Sangma hynne ka sngi Balang, ula pynher ia ka shithi sha New Delhi, ba kyrpad ban tuklar mardor halor ka jingeh ba mad da ki samla pule ka Jylla Meghalaya namar ka jinghap leit thoh eksam CUET shabar ka Jylla hapdeng ka jingpyntip kaba khim bha ka por.
U Myntri Rangbah ka Jylla Conrad K Sangma ula phah ia kane ka shithi sha u Myntri ka Ministry of Education, Skill Development & Entrepreneurship Dharmendra Pradhan ba un bthah ia ka National Testing Authority (NTA) ba kan pynbeit kyrkieh ia kane ka kam.
“Nga kwah ban pyntip sha phi ba ka Sorkar Jylla kala ioh pdiang ia shibun ki jingujor na ki samla pule ka Jylla Meghalaya halor ka jingpynngat thoh eksam CUET shabar ka Jylla kum ha Ranchi, Jharkhand, Jorhat, Dibrugarh, Kolkata bad kiwei ki Jylla ba Shathie ka Ri” ong u Conrad ha ka shithi.
U Myntri Rangbah ula pyntip ruh ba ba ki Admit Card ki dang poi sha ki samla pule ka Jylla ha ka step 14 tarik Jylliew ba kin ialeh ia ka eksam CUET ha ka 16 tarik Jylliew 2023, kaba ka por bala ai, kala khim palat ia ki samla pule ba kin pynkhreh ia ki tum ki tam bad ban leit sha kitei ki jaka thoh eksam nalor ban wad jaka sah ha kine ki Jylla
Ula pyntip ba kane ka jingpynbeit ka NTA kala buh ia ki samla pule bad ki Kmie ki Kpa ha ka jingbym sngew iahap bad sngew kutlad bad kala wanrah ruh ia shibun ki jingeh ban pynbeit ia ka leit ka wan, ka jaka sah jong ki samla pule kiba la pynkhreh ialade ban ialeh ia ka eksam CUET halor ka jingpyrkhat ba kin ngat thoh eksam ha ki centre kiba jan.
U Conrad ula ong ba kum kane ka jingpynbeit jong ka NTA kala pynduhlad ia ki samla pule ka Jylla Meghalaya ba kin ioh ia ka kabu ba kin leit bteng ia ki jingpule ha ki Central University kiba don ha kylleng ki Jylla ka Ri.
U Myntri Rangbah ula pynkynmaw ba ka Jylla kala dep kyrpad teng ia ka NTA ban buh ia ki CUET centre ha baroh ki 12 tylli ki District ka Jylla Meghalaya ki ban long ha ki jaka pule kiba don lut ia ki jingdonkam baroh ha kaban lah pynlong ia ka eksam CUET.
U Myntri Rangbah ula kyrpad ia u Myntri ka Sorkar Pdeng ba un tuklar bad bthah ia ka NTA ba kan pynbeit kyrpang n aka bynta ki samla pule ka Jylla Meghalaya.
Pule lang ia kane: Iapynbeit pud ka Assam-Meghalaya : Hapoh u Nailar yn aiti noh ki Regional Committee ia ka kaiphod sha ka Sorkar
 ba kan pynbeit kyrkieh ia kane ka kam.){kind=link}