Shillong, Lber 21: U Myntri ka tnat Animal Husbandry & Veterinary u Bah AL Hek hynne ka sngi Thohdieng, u la pyntip ba ka Sorkar kan shim hakhmat eh ban tei iaka Veterinary Hospital ba thymmai ha Upper Shillong.
Haba kren sha ki lad pathai khubor u Bah Hek u la ong ba ki don 2-3 tylli ki jingtyrwa ba la phah sha ka tnat Planning ka Sorkar Jylla halor kane ka kam.
“Ka tnat Planning ka la buh jingkylli halor kane bad ka tnat Animal Husbandry kala pyndep iala la ka kamram ban jubab hapoh ka Iingdorbar ba dang shu dep ka dorbar mang tyngka. Ngi la kdew shai ba ka jaka sumar mrad kaba thymmai yn tei ha Upper Shillong. Ia kane ka mat la don ruh haka jingkren mang tyngka, kumta ngi hap ban shim khia bha ïa kane ka kam” ong u Bah Hek.
Haba iadei bad ka kam khaïi tuh masi, u Myntri u la iohi dala ki khmat ia 2-4 tylli ki case ha Jaiñtia Hills bad East Khasi Hills ha kaba ki BSF ki la ïoh kurup ïa ki masi beaiñ bad kila aiti noh sha ki pulit.
Hynrei ula ong ba ki briew ki leh ia ka kam khaii bad kumno ngin khanglad ia ka.
“Hooid, ngam kyntait ia kata ka jingshisha hynrei kata ka shong ha ki nongkhaii namar ki nongkhaii ki leh ia kine baroh dei namar kata ki pulit bad ki BSF ki long kiba husiar ban peit bniah ia kane ka kam khaii tuh masi” u la bynrap.
