Shillong, Jylliew 29 : U Symbud Myntri Rangbah ba khmih ia ki kam Pohiing (Police) Bah Prestone Tynsong, ula bthah ia ki bor District ka West Jaintia Hills ban pynthikna ia ka jingburom ia ka status quo ha ka jaka ba pynsangeh ia ka jingthung dieng dang shen ha thain Lapangap namar ka jingiakajia pud bad ka Assam.
Kat kum ka jingong u Bah Prestone, ia kane ka jingiakajia la pynbeit hadien ba u Deputy Commissioner bad u Superintendent of Police kila tuklar ia ka kam. Ka jingiakajia kala mih na ka kam thungdieng ha ka thain kaba la kam trai da ka Meghalaya bad ka Karbi Anglong Autonomous Council (KAAC) ka Assam.
U Bah Prestone ula ban jur ia ka jingkongsan ban burom ia ka soskular status quo bala iasoi da baroh arliang, kaba donkam ia ka jingiateh kular ba iasngewthuh jingmut lang haba pyntrei ia kinokino ki project ne leh ia kino kino ki kam ha ki jaka ba iakajia.
“Ngi la dep bthah ia u DC bad SP ban pynthikna ba dei ban don ka jingburom ia ka soskular status quo. Kito ki briew kiba sah ha kine ki jaka iakajia ki dei ban burom ia ka status quo lane kano kano ka jingiateh kular” ula ong.
U Bah Prestone un sa iakynduh mynta ka sngi ia ki Waheh Shnong ban iakren kham bniah ia kane ka kam.
Halor ka jingdawa ban buh ia ka Police Outpost, u Bah Prestone ula ong ba kane ka lah ban nym dei ka lynti pynbeit kaba shirta ia kane ka kam. “Tang ka jingbuh ia ka Police Outpost kan ym lah ban pynbeit ia kane ka kam, lada ngim lah ban pynbeit noh ia u pud u sam” ula ong.
U Symbud Myntri Rangbah ula ban jur ba ka jingpynbeit ia u pud u sam ka dei ka kam ba hakhmat eh jong ka Sorkar ka Assam bad Meghalaya. “Hadien ba dep pynbeit ia kane, nga thikna ba kum kine ki jingjia kin ym jia shuh” ula bynrap.
Ha ka sngi Balang, ki paidbhur ba palat 400 ngut na ka shnong Lapangap bad kiba marjan lem bad ki Sengbhalang, kila leit pynpra ia ka jingtei bad jynrat ia ki symbai dieng bala thung da ka KAAC kum ka dak ka jingpyrshah ia kaba ki ong ba dei ka jingkyntur beain ia u pud u samla ka Meghalaya.
 Bah Prestone Tynsong, ula bthah ia ki bor District ka West Jaintia Hills ban pynthikna ia ka jingburom ia ka status quo ha ka jaka ba pynsangeh ia ka jingthung dieng dang shen ha thain Lapangap namar ka jingiakajia pud bad ka Assam.){kind=link}