Khliehriat, Jymmang 17 : U Deputy Commissioner bad Chairman ka District Disaster Management Authority (DDMA), ka East Jaintia Hills, ula bthah ia ka National Highway Authority of India (NHAI) ba kan maramot mardor ia ka jingkieng NH-6 kaba don ha ka shnong Pyrtakuna, kaba hap hapoh ka Lumshnong C&RD Block.
Kat kum ka kyrwoh, u DC ula pyntip ba ki don ka bynta jong ka jingkieng kaba la jot bad paw ki nar rot shabar, kaba pynap ia ka jingma kaba khraw ia ki paidbah ba iaid lynti.
Khnang ban pynthikna ia ka jingshngain ki nongiaid nongieng bad ki kali ha kane ka surok NH-6, la bthah ia u Project Director ka NHAI, Meghalaya, Shullong ban leit maramit mardor ia kane ka jingkieng, ula pyntip.
Ha kajuh ka por, u DC ula bthah ia ki nongiaid nongieng bad ki kali ba kin da phikir bha ialade haba iaid na kane ka jingkieng nalor ban kohnguh ia ki jingpyniaid kali khnang ban lait na kano kano ka jingjia ka bym sngewtynnad tad haduh ban da dep maramot ia kane ka jingkieng da ka NHAI.
