Shillong, Naiwieng 11 : Ka Sorkar Jylla kala pynmih ia ka jingpynbna ba pynlong kongsan ba ki nongniah bad nongbud jong ki kali kamai paidbah ba ki dei ban wah ia ki kyrteng bad ki jingtip ba bniah shaphang jongki hapoh ki kali.
Kat kum ka jingpynbna ba pynmih da ka tnad Transport, baroh ki trai permit, kynthup ki taxi, auto rickshaw, bus, ki kali kamai National Permit, kali tourist, kali jong ki skul/jaka pule, ki dei ban wad ia kine ki jingtip : Ka kyrteng u nongniah, driving lincence number, jaka sah ba shirta, kyrteng u contractor, licence number bad jaka sah ba shirta (lada donkam).
Ia kine ki jingtip dei ba wah ha ka ktien phareng bad ktien lajong, ha ka dashboard lane lyndet ka jaka shong ba hakhmat ban iohi ki passenger.
Kane ka sienjam bala shim ka dei kaba la leh da ka jingthmu ban wanrah ia ka jingkamai kaba khuid ba shai, ka jingkitkhlieh bad ka jingiada ia ki nongleit nongwan.
Ki trai ba bat ia ki permit ki dei ban pyntreikam ia kane hapoh ka 30 sngi ba pynmih ia ka jingpynbna.
