Shillong, Naiwieng 11: Ki 4 ngut ki dkhot kynthup u President ka Meghalaya Commercial Truck Owners and Drivers Association (MCTODA) Bah Mosklandar Marngar ha ka janmiet sngi Ba-ar, kila ioh jamin bad ioh mih na Shillong District Jail.
Nalor u President, kiwei ki nongialam kiba la ioh jamin ki kynthup ia u u Bah Teibor Marngar, Bah Thrangbor Lyngdoh bad Bah Heibor Pariat.
Lah ban kdew ba iaki 4 ngut ki nongialam ka MCTODA la pynngat haduh 4 tylli ki Case hapoh ka Meghalaya Maintenance of Public Order (MMPO) Act bad Bharatiya Nyaya Sanhita (BNS).
Iaki 4 ngut la kem haka step phyrngap 5 tarik Naiwieng na Mawryngkneng East Khasi Hills hadien ba mih ka jingkulmar hapdeng ki dkhot ka MCTODA bad ki Pulit.
Ki Pulit kila kem iaki 4 ngut ki nongialam halor ka jingkynnoh ba ki dkhot ka MCTODA kila kawang maw iaki trok ba wan naki thain Jaintia Hills nalor ka jingshoh bad thmu rahbor iaki dribat trok.
 Bah Mosklandar Marngar ha ka janmiet sngi Ba-ar, kila ioh jamin bad ioh mih na Shillong District Jail.){kind=link}