Thep ia ka pisa sha ka Meghalaya Minor Mineral Reclamation Fund
Shillong, Naiwieng 22 : Ka Sorkar Jylla kala bthah ia ki Tnad trreikam bad ki Agency ba kin khate 10% na ka dor jong ki minor minerals (maw, shyiap etc) na ka bill jong ki contractor bad ban thep sha ka bank account jong ka Meghalaya Minor Minerals Reclamation Fund (MMMRF).
Ia kane la pyntip da u Commissioner & Secretary ka Tnad Forest & Environment ka Sorkar Meghalaya hynne ka sngi Thohdieng.
Haba pyntreikam ia ka hukum ba pynmih da ka Iingkashari Meghalaya High Court, khnang ban khyllie ia ki jingpynjulor ia ki khlaw bad ka mariang na ka daw ka jingtih mar, ka pisa na ka bynta kane ka kam lah dep ban thaw da ka Sorkar Jylla bala ai kyrteng ka “Meghalaya Minor Minerals Reclamation Fund (MMMRF)”.
U Commissioner & Secretary ula ong ba kat kum ka jingbthah ka Iingkashari, ka pisa ba kot ym duna ia ka 10% n aka jing die ia ki marpoh khyndew bala dep tip kat kum ka licence ne lease deed, kumba la kdew ha ka hukum jong ka Iingkashari Supreme Court ha ka mukotduma ka Goa Foundation bad kat kum ka nongrim ba ki nongpynjaboh kin hap ban siew, ka dei ban thep da ki nongkhaii/nongtih ia kine ki minor mineral ha kane ka MMMRF.
“Namar kata, baroh ki agency bad ki Tnad ki dei ban pynthikna ba na ki bill jong ki contractor ba ki ai kam ban pyntrei ia ki jingtei, kiba pyndonkam ia ki minor minerals (maw, shyiap) na ki par, ia ka MMMRF dei ban khate ha ka dor ba 10% kat kum ka schedule of rates ba khatduh ka Tnad PWD bad ban thep ha ka Bank Account ka MMMRF” ula ong.
 na ka bill jong ki contractor bad ban thep sha ka bank account jong ka Meghalaya Minor Minerals Reclamation Fund (MMMRF).){kind=link}