Shillong, Nailar 25 : Ka Myntri ka Koit ka Khiah Kong Ampareen Lyngdoh ha ka sngi Palei, kala pyntip ba ka Sorkar Jylla kala bthah ia ki Ophisar ba kin bishar biang bad pynthikna ia ki kot ki sla jong baroh kiba aplai ia ka bhah ka Sorkar ban leit pule MBBS.
Haba iakren bad ki nongthoh khubor, ka Kong Ampareen kala ong “Ngi la iakren ia kane ka kam bad u Myntri Rangbah ka Jylla. Ngi la iashong mynta ka janmiet ban peit la ngin pynsangeh shuwa ne em ia ka jingai bhah namar lada ki jingkynnoh ba kum kine ki wan, ka mut ngin hap ban khmih biang ia baroh ki application”.
“Ngi la bthah ia ki Ophisar ba kin pynthikna shuwa ia ki kot ki sla jong baroh kiba aplai ia ka bhah leit pule MBBS ka Jylla. Lada shem ba kim dei ki nong Meghalaya, ngin hap ban weng noh ia ki namar la iathuh ia nga ba kine ki juh ki briew kila leit ruh sha Jylla Manipur ban aplai ia ka seat bad ka Jylla Manipur kala kyntait ia ki” kala bynrap.
Ka Myntri ka ong “Ngin iapeit biang ia ki kot ki sla bad ngin khmih thymmai biang ia ka thup bad ngin nym ailad satia iano iano ruh ki bym dei ki nongshongshnong ka Meghalaya ba kin ioh ia kine ki bhah pule ba kordor”.
Kat kym ka jingong jong ka, ka Meghalaya kala ioh haduh 93 tylli ki seat na ka bhah pule MBBS.
Pule lang ia kane: Kem ki Pulit ia u Nongniah scooty ba tynrah ia u Khynnah Skul
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
