Shillong, Rymphang 24 : Ka Iingkashari Meghalaya High Court ka la bthah ïa ka National Highway Authority of India (NHAI) ba kan pynthikna ba ka surok bah NH-6 baroh kawei, kaba jrong 102.225 km, kan long kaba lah ban iaid shngain ki kali hapoh ka por kaba biang.
Ka Iingkashari kaba kynthup ia u Chief Justice IP Mukerji bad Justice W Diengdoh ha ka hukum ba la pynmih halor ka PIL ka la ong, “…ngi khmih lynti ba ka surok bah baroh kawei kaba jngai 102.225 km kan long kaba lah ban iaid shngain ki kali, khlem kano kano ka jingkhanglad hapoh ka por kaba biang.”
Ka bthah ruh ia ka jylla bad ia ka NHAI ba kin ai ia ka affidavit lyngkot kaba dei ka kaiphod jong ka jinglong jingman shwa ka tarik ban bishar biang ha ka 16 tarik u Risaw.
“Ngi kyrmen skhem ba ka kaiphod jong ka jinglong jingman kan pyni ia ka jingpyndep ia ka projek,” ong ka Iingkashari.
Ka la pule bniah ia ka kaiphod jong ka Amicus Curiae ha kaba iadei bad ka jingiaid shaphrang jong ka jingtrei ban maramot ia ka surok bah (NH -6) hapdeng ka Jowai bad Ratacherra.
Haba sngap ia u AAGka Jylla bad ia u S Sengupta, u nongiasaid ain jong ka NHAI, ka iingkashari ka la ong, “Ngi don ka daw kaba biang ban ngeit ba ka kam maramot ka iaid shaphrang ha ka rukom kaba sngewhun.”
“Hooid, ki don katto katne ki jingeh kiba dang sah kum ki thliew kiba heh , ki nar kiba la paw na ki jingkieng kiba rit kumba la kdew da u Amicus Curiae ha ka kaiphod jong u. Hynrei kine ki mat kim da long kiba heh than bad ngi bthah ïa u nongshah mudui -NHAI ban pynbeit kloi katba lah ïa ki,” ka la bynrap.
 ba kan pynthikna ba ka surok bah NH-6 baroh kawei, kaba jrong 102.225 km, kan long kaba lah ban iaid shngain ki kali hapoh ka por kaba biang.){kind=link}