Shillong, Iaiong 20: Ka ophis Deputy Commissioner (DC) ka East Khasi Hills hynne ka sngi kala pynmih iaka hukum ba baroh ki skul kiba don ha ka thaiñ Dangar kaba hap Mawsynram Block, ba kin khang noh shuwa shipor namar ka jingsyllad ka jingshit kyr-ang ka bneng.
La bthah ba ki skul ki dei ban khang naduh ka 21 tarik IaIong 2023 na ka bynta shi taïew lane tad haduh ban da ai hukum da kumwei pat.
Kane ka jingphah khang iaki skul kiba don haka thain Dangar kadei namar ba jur ka jingshit naka bynta ban iada iaki khynnah skul na kano kano ka jingma kaba lah ban ktah naka jingjur palat ka jingshit.
Nalor kane ki bor District East Khasi Hills ki la mana ruh ia baroh ki skul ha East Khasi Hills ba kim dei ban pynlong ïa kino kino ki prokram shabar ki kamra klas tad haduh ban da pynbna da kumwei pat.
