Shillong, Nohprah 19: U Inspector General of Police, (SB/Bdr.) u Dalton P Marak hynne ka sngi Palei, u la pyntip ba baroh ki kyrtong kiba iakhun ia ka eksam Phyrsical Efficiency Test (PET) ki lah sei iala ki Admit Card naduh ka 16 tarik Nohprah, 2024.
Kane ka dei na ka bynta ki kyrtong ba iakhun ia ka Physical Efficiency Test (PET) ha ki 4 (saw) tylli ki centre kata ha 1st MLP Bn., Mawiong, Shillong, 2nd MLP Bn., Goeragre, Tura, 4th MLP Bn., Sohpian, Nongstoin bad 5th MLP Bn., Samanda, Williamnagar.
La kyrpad ia ki kyrtong ba kin sei ia ki admit card jong ki na ka website jong ki pulit ka Meghalaya–www.megpolice.gov.in.
Kino kino ki kyrtong kiba jied ban pynkylla ia ka tarik PET ba kin sngewbha ban ai ia ka aplikeshon sha ka Member Secretary, Central Recruitment Board, Meghalaya Police, ha Ophis jong ka Central Recruitment Board, Mawroh, Shillong lane lyngba ka email ha [email protected] bad upload ia baroh ki kot ki sla kiba iadei.
U Dalton u la ong ba la shah ia ki kyrtong ban pynkylla ia ka tarik jong ka Physical Efficiency Test (PET) tang shisien hynrei ka dei ban long katkum ki daw kiba biang.
Ka tarik ba khatduh ban pdiang ïa ki aplikeshon ban pynkylla ïa ka tarik Physical Efficiency Test (PET) kan dei ha ka 2 tarik Kyllalyngkot bad yn nym pdiang shuh ïa ki aplikeshon hadien kane ka tarik.
La kyntu iaki kyrtong ba kin peit man ka por ïa ka website jong ki pulit ka Meghalaya na ka bynta ki jingtip ba thymmai, bad na ka bynta kino kino ki jingkylli, kidei ban leit sh ka ophis treikam jong ka Central Recruitment Board ha Mawroh, Shillong lane ban Phone ha u helpline no.6033164273.
 u Dalton P Marak hynne ka sngi Palei, u la pyntip ba baroh ki kyrtong kiba iakhun ia ka eksam Phyrsical Efficiency Test (PET) ki lah sei iala ki Admit Card naduh ka 16 tarik Nohprah, 2024.){kind=link}