Shillong, Nohprah 19 : U Myntri ka Tnad Bording Abu Taher Mondal, ula kular ia ki nongshongshnong ka Jylla ba kan nym don satia kano kano ka jingthut ha ka bording elektrik ha kane ka por lehkmen Khristmas.
Haba iakren bad ki nongthoh khubor ha ka sngi Palei, u Mondal ula ong ba kane ka dei ka por kaba kongsan khamtam ia ki samla pule kiba dang pynkhreh ia ki eksam bapher bapher bad ka Sorkar kala kut jingmut ban pynbiang ia ka bording ba khlem jingthut.
Hynrei, u Myntri ula pynshlur ia ki nongshongshnong ba kin nang ha kaban pyndonkam ia ka bording haba lehkmen bad ban tyngkai ia ka jingbam bording.
Ula pynshai ba kano kano ka jingpynlip bording, kan jia satang lada mih ki kam ki bym lah ban tip kum ka jingthut ha ki transformer bad kiwei kiwei.
Hynrei ula ong ba ki nongshongshnong kim dei ban khuslai namar ka Sorkar kala pynkhreh kumno ban leh lada mih kum kine ki jingjia khnang ba ki paidbah kin nym duh bording ha kane ka aiom lehkmen.
