Shillong, Nailar 20 : Ka Iingkashari Meghalaya High Court kala bthah ia ki bor khmih ba kim shim ia ki sienjam kiba bniah bad ba mardor ban kem ia kito kiba donkti ha ki kam thombor ha ka rally thuk thuk ka Khasi Students’ Union (KSU) ha ka 19 tarik Nailar ha Shillong.
Ka Iingkashari kala pynmih ia kane ka hukum haba shim ia ka mukotduma suo motu halor ki kam thombor kiba mih n aka rally ka KSU, kaba wanrah ia ka jingjulor ki kali ka Sorkar, Pulit bad kali kamai paidbah bad buh jingma ia ki nongshong shnong kynthup ki khynnah skul.
Haba shong bishar ia ka PIL, ka Division Bench u Justice HS Thangkhiew bad Justice W Diengdoh, kala niew ia kine ki jingjia kum ki jingjia ba sngewkhia.
U Advocate General ula pyntip ia ki sienjam bala shim da ki bor khmih bad iathuh ba katto katne na ki nongkitkam jong ka Sengbhalang kila shah kem.
Kala bthah ia ka Sorkar ban aiti ia ka kaiphod halor ki sienjam bala shim ha ka 24 tarik Nailar, ha ka sngi bala buh ban bishar biang ia kane ka mukotduma.
 ha ka 19 tarik Nailar ha Shillong.){kind=link}