Tura, K’lyngkot 14 : Ki Pulit ka West Garo Hills hynne ka sngi saitjain, kila bat ia uwei u briew ba rah ia ka pisa ba T. 2 lak na kawei ka kali bala pynieng ban talasi kum shibynta na ka jingpahara ban pynkhreh ia ka elekshon MLA ban wan.
Kat kum ka jingpyntip ki Pulit, ki Pulit na Tikrikilla Police Station bad ki shipai BSF, kila pynieng ia ki khyrdop ban talasi ia ki kali ha lad Phutamati, Tikrikilla.
Ha ka jingtalasi, ki Pulit kila ioh ban kurup ia ka pisa ba T. 2 lak na uwei u briew ba kyrteng u Soyadur Rahman ban a Maulakandi, kaba hap hapoh ka Phulbari Police Station bad kaba don ha ki jaka them jong ka West Garo Hills.
Ha kane ka jingtohkit,une u briew um shym la lah ban ai ia kino kino ki kot ki sla ne ki jingbatai halor katei ka pisa bad kumta ki Pulit kila rah ia u ban tohkit bad ki dang wan jingtip ruh nangno ba kane ka pisa ka wan.
