Shillong, Jylliew 06 : U President ka National People’s Party (NPP)-Meghalaya, Bah Prestone Tynsong, ula thung ia arngut ki MLA ka party kum ki nongaibuit ia u, ha kaban lah pynkhlain ia ka party ha Ri-lum Khasi.
Kine ki arngut ki MLA ki kynthup ia u MLA ka Umsning Dr Celestine Lyngdoh bad u MLA ka Mawhati Bah Charles Marngar- ki ban aibuit aibor ia u President ka NPP-Meghalaya.
U Bah Prestone ula aiti ia ka shithi thungkam ia kine ki MLA ha ka jingialang ba long hynne ka sngi Thohdieng.
Ha kajuh ka por, u Bah Prestone ula thung ruh ia u MLA ka Nongstoin Bah Gabriel Wahlang kum u Secretary jong ka NPP-West Khasi Hills District.
