Bam smai ki MDC ka Karbi Anglong Autonomous Council ka Assam

Date:

Share post:

Guwahati, Jylliew 21: U Lat ka Assam u Jagdish Mukhi hynne ka sngi u la pyntian smai ia ki 26 ngut ki dkhot ki ba dang shu shah jied thymmai sha ka Karbi Anglong Autonomous Council (KAAC).

Ha ka jingkren u Lat u la kyntu ia ki dkhot ba kin trei ha ka lynti jong ka synshar paidbah bad halor ka ioh ka kot bad ka roi ka par jong ki nongshong shnong.

Na ka liang u Myntri Rangbah ka Assam, u Himanta Biswa Sarma ruh u la ia don ryngkat lang ha kane ka jingialang pyntian smai ba la pynlong ha Diphu. Ka BJP ka la sar ha kane ka ilekshon KAAC ba la pynlong ha ka ba sdang jong une u bnai da ka ba jop ha baroh ki 26 tylli ki seat.

Lyngba ka Twitter u Lat u la pynpaw da ka ba ong; “Nga sngewkmen shibun ban ia don bynta ha kane ka jingialang pyntian smai na ka bynta ki dkhot ki ba dang shu shah jied thymmai  ka General Council jong ka  Karbi Anglong Autonomous Council (KAAC) ka ba la long ha Diphu. Nga ai ka jingkhublei ka ba kyrpang ia iwei pa iwei i dkhot ka KAAC.” “Nga ngeit skhem ba kin pynlut ia ka por na ka bynta ban pyniaid ia ki kam katkum ki riti synshar paidbah bad halor ka bha ka miat bad ka roi ka par jong ki paid nongshong shnong hapoh ka thain.”

Kumjuh na ka liang u Myntri Rangbah Sarma lyngba ka twitter u la ai khublei ia baroh ki dkhot da ka ba ong ruh ba lyngba ka jingtrei shitom jong kine ki dkhot ka KAAC, ka Karbi Anglong kan nang jam sha ki ba bun ki mawmer jong ka jingjop.

Ia ka ilekshon na ka bynta ka KAAC la pynlong ha ka sien ka ba nyngkong hadien ka jingiasoi ia ka jingiateh jingsuk bad ki santylli ki kynhun seng lehnoh jong ka district ha u bnai Nailur 2021, ka ba dei ruh ka jingiateh ka ba lai bad ki lehnoh jong kane ka district rilum, kata ha ka ba ki jingiasoi ki ba la dep ki la long ha ka snem 1995 bad 2011.

Da ka jingiasoi ia ka ‘Karbi Anglong Agreement’ ha kane ka snem ba la dep, haduh kumba 1,000 ngut ki lehnoh ki la wan pyndem noh ia lade ha ka ba la plie ruh ia ka song jingiarap kam pynroi ka ba kyrpang ka ba longT.1,000 klur na ka bynta san snem ka ba thmu na ka bynta ki kam pynroi hapoh ki jaka shong shnong jong ki Karbi.

Share post:

spot_img

Popular

More like this
Related

Ujor ejahar u MLA barim ka Mawlai ba pynsaphriang khubor lamler ha Social Media

Shillong, Iaiong 16 : U MLA barim ka Mawlai...

Kurup ki BSF ia u kwai supari ba shongdor T. 14 lak

Shillong Iaiong 16: Ki shipai BSF bad ki pulit...

Shillong Premier League | Pynsangeh ka SSA ia ka jingiakhun ba thut ka suinbneng

Shillong, Iaiong 16: Da kaba buh hakhmat ia ka...