Shillong, Jylliew 30 : U Nongialam ka UDP bad Myntri Sorkar Bah Kyrmen Shylla ula iathuh ba ka party kala aibor ha u President Bah Metbah Lyngdoh, ban rai halor ka jingthung ia u General Secretary ba thymmai.
“Ha ka jingialang ba dang shu dep, ngi la aibor ha u President ba un shim rai bad pyndap ia ka jaka ba thylli kham kloi kat kaba lah” ong u Bah Kyrmen haba iakren bad ki nongthoh khubor.
U President un sa lum ia ka jingialang ban shim ia ka rai ba khatduh halor kane ka kam hadien b aula wan phai sha Shillong.
Ka kam General Secretary ha ka UDP kala sah thylli da ka jingiehnohkam u MLA barim ka Nongthymmai Bah Jemino Mawthoh.
U Bah Kyrmen u ngeit ba kiei kiei kiba bha kin sa wan ha kine ki sngi ban wan bad pynpaw ia ka jing kut jingmut ban nang trei shitom.
Haba kylli la tang ki MLA ki lah ban shimti ia ka kam GS, u Bah Kyrmen ula ong “Kam don satia kaba kum kata ka kyndon ha ka riti treikam jong ngi bad mano mano ruh ki lah ban shimti kum u GS ba thymmai”.
Haba kylli la u long ba kloi ban shimti kum u GS ba thymmai, Bah Kyrmen ula ong “ Ka party kan sa rai. Ngi don hangne ban shakri. Kamp her la nga long GS ne em. Kano kano ka kyrdan ba nga bat, ngin ia trei na ka bynta ka party”.
