Guwahati, Nailar 18: Ka North East Students’ Organisation (NESO) kala pynlong ia ka sit-in protest ha Dighalipukhuri, Guwahati mynta ka sngi Nyngkong ban dawa jur na ka sorkar ban pynher krad ia baroh ki nong Bangladesh kiba la wan rung beain sha ka thain shatei lam mihngi bad ruh ban pyllait ia kane ka thain na ka Citizenship (Amendment) Act (CAA).
Haba ai jingkren ha katei ka jaka ba pynlong ia ka jingiakhih ba jai jai, u Chief Advisor ka NESO, u Dr Samujjal Kumar Bhattacharya u la ong, “Kane ka dei ka jingïakhih ha ka thaiñ Shatei Lammihngi ban pynbor ïa ka sorkar ban lap bad beh krad noh ïa baroh ki nong Bangladesh kiba be-aiñ na kane ka thaiñ. Kane kan dei ruh ka jingma ia ka jingithuh ba kyrpang naduh ka ktien ka thylliej, ka kolshor jong ki trai jaka trai muluk.Ngi la iohi ia ka jingiakynduh jingeh kum ha ka jylla Tripura bad kumjuh ruh ha Assam ruh kumjuh kila mad ia kane ka jingeh namar bym pyntrei kam ia kaAssam Accord.”
U Bhattacharya u la kynnoh ba ki nongwan shong thap beaiñ ki la rung tuh sha ki jaka jong ki riewlum, ki khlaw, bad kiwei kiwei ki jaka ba la ïada kyrpang, kaba la pynkylla ïa ka rukom shong briew ha Assam. U la bynrap ba ka jingkren jong u Myntri Rangbahduh dang shen halor ka jingkylla ha ka jingbun briew ha ki jylla khappud da kaba pynpaw ïa ka “jingpynsngewthuh ba lah slem” ïa ka jingeh kaba la slem bha.
Na ka liang jong ka NESO ka la dawa ban pyntreikam pura ia ka Assam Accord, ka jingkhang dam ia u pud ka Indo-Bangladesh, ka jingpynrung kyrteng ia ki nongshong shnong ha ka thain shatei lammihngi baroh kawei ha ka National Register of Citizens (NRC), bad ki jingiada katkum ka riti synshar na ka bynta ki jaitbynriew trai ri trai muluk.
Ha kaba iadei bad ka CAA, u Bhattacharya u la ban jur ba ka Assam kala shah ktah khlem da iahap haba ia nujor bad kiwei ki jylla hapoh ka thain shatei lam mihngi.”Lada ia ka CAA kam trei kam hapoh ka jylla kum ha Mizoram, Nagaland, Manipur, Arunachal, bad ha ki bynta ba kham heh hapoh ka jylla Meghalaya bad Tripura, te ia ka Assam ruh dei ban pyllait. Napdeng ki 35 tylli ki District, 27 tylli ki hap hapoh ka CAA.Balei ba tang ka Assam ka hap mad jingeh?”
U la maham tyngeh ruh ba ka jingïakhih kan dang ïai bteng haduh ba ka sorkar kmie kan shim ïa ki sienjam kiba skhem ban weng ïa ki jingeh jong ki trai ri trai muluk jong ka thaiñ Shatei Lammihngi.
 kala pynlong ia ka sit-in protest ha Dighalipukhuri, Guwahati mynta ka sngi Nyngkong ban dawa jur na ka sorkar ban pynher krad ia baroh ki nong Bangladesh kiba la wan rung beain sha ka thain shatei lam mihngi bad ruh ban pyllait ia kane ka thain na ka Citizenship (Amendment) Act (CAA).){kind=link}