Guwahati, Nailur 15: Ka jingther u lapbah ba khlem sangeh baroh shimiet uba dang iai bteng ha ka step sngi Nyngkong, sa shisien pat kala wanrah ia ka shlei um ha Guwahati bad kane kala ktah bha ia ka jingim ba man la ka sngi nalor ka jingdheng kali kaba jur bha.
Ka kynhun ban pyllait im lyngba ka National Disaster Response Force (NDRF) ha ryngkat bad ka State Disaster Response Fund (SDRF) la sakhi ba ki dang iarap ia ki briew kiba la sah kut da kaba pyndonkam da ki lieng.La iohi ruh ia ki khynnah skul ba ki iaid lyngba ia ki jaka ba la dap ne shlei um da ki lieng ban poi sha skul.
Ki jaka ba shlei um ki kynthup ia ka Zoo Road, Beltola Survey, Hatigaon, Anil Nagar, Nabin Nagar, Ambari, Rukminigaon, Garchuk, Beharbari, Lakhra bad ha Basistha kiba dei ki jaka kiba la shah ktah bha, ha kaba ka um kala poi haduh jrong khohsiew bad kane kala wanrah ia ka jingsahkut bad dheng kali ba jur bha.
Kane ka jingeh ka ju jia man ka por bad mynta ka kynti ruh kala jia biang hapoh ka nongbah ia ka jingbym ioh jaka ban tuid bha ka um namar bay m don ki nala bah eh bad kane kala pynbitar ia ki paidbah nong shong shnong namar ka jingbym biang ki lynti ban tuid bha ka um.
Ka tnad India Meteorological Department (IMD) kala antad ba ka jingther u slap kan dng iai bteng ha ryngkat bad u pyrthat ha kine ki sngi ban wan, kaba la pynmih ruh ia ka jingtieng, ba kan don ka jingthut kaba kham khraw.
U nong shong shnong ka Rukminigaon u la ong, “Kane ka jingeh kala don mynta la kumba lai ne saw snem mynta, ym dei ba tang mynta ka sngi.Wat lada slap tang hapdeng 15-20 minit ka jingshlei um kan ktah ia kane ka thain baroh kawei.Baroh ki iing jong ngi ki shah rong noh ha ka um, bad ngi iakynduh jingeh ha ka bam ka dih, ka jaka sah, ka um bam um dih, bad ka jingleit jingwan man ka sngi ruh kala shah ktah.Wat na ka liang jong ka sorkar kala pyrshah ban leh eiei, hynrei haduh mynta kam shym pat la lah ban weng ia kane ka jingeh.”
Ki surok ba kham kongsan, ki ba kynthup ïa ka Rajgarh Link Road, ka GS Road, ka shi bynta jong ka surok bah National Highway, bad ki jaka sah briew ba marjan, ki dang sahkut ha ka um, kaba la wanrah ïa ka jingdheng kali kaba jur bad ka jingeh kaba khraw ïa ki nongleit nongwan.
 ha ryngkat bad ka State Disaster Response Fund (SDRF) la sakhi ba ki dang iarap ia ki briew kiba la sah kut da kaba pyndonkam da ki lieng.La iohi ruh ia ki khynnah skul ba ki iaid lyngba ia ki jaka ba la dap ne shlei um da ki lieng ban poi sha skul.){kind=link}