Jowai, Nailur 15 : Kawei ka Iing kala kylla dpei na ka jingpluh ding kaba jia ha ka janmiet sngi U Blei hapoh ka Shnong Sohmynting, West Jaintia Hills District.
Kane ka Iing kaba dei jong ka kong Sbuh Pyrtuh, la suba jur ba kala pluh na ka daw ka jingthut ki waiar bording. La ong ba u Kurim uba don ha Iing, ula sma ia ka tdem ba mih na Iing bad ula mih ban pyrta briew ban wan iarap.
Ki para marjan kila pyrshang ban ia pynlip ia ka ding hynrei kynsan kynsan, kala mih ka jingbthei ki artylli ki LIP cylinder bad nang pynheh shuh shuh ia ka ding.
Artylli ki kali pynlip ding kila poi ha kane ka jaka hynrei kim shym la lah satia ban tem ia ka ding. Donbok ba ha kane ka jingjia, ym shym la don mano kano ka mynsaw.
